拍攝獄中小產　陳敏之有陰影絕不重睇

徐子珊、胡定欣之前於新劇《點金勝手》中有激吻場口，之後子珊又有浸冰水被迫供遭遇，而今個星期，敏之更慘，除了入獄、與劇中男友黃智賢分手之餘，更遭受小產之痛，可謂經歷「女人最痛」之苦。

今周劇情講述雙怡（陳敏之飾）因被控不小心駕駛撞到人而入獄，一時接受不到，更與男友分手，痛極之時，不如意事情接二連三發生，本來已懷了身孕的她，在獄中小產，更要做手術將胎兒取出，手術時，她更瞪大眼睛表示要深深記住這一刻痛苦，心中可謂充滿鬱怨，出獄後的她，更變成另一個人般，冷酷無情。

豬內臟當死胎

陳敏之接受記者訪問時，坦言首次接拍變化這麼大的角色，就如一人分飾兩角一樣，說到拍攝「女人最痛」場口時，敏之謂：「小產呢場戲對我嚟講好震撼，拍時自己真係有恐懼，因為喺手術室拍，有燈射住，感覺好真實，為咗投入感重啲，公司都Book咗個豬內臟，擺喺個盤度當係個胎，我之後一定唔會睇番呢場戲，好驚有陰影。」出獄後，敏之完全變成另一個人般，連打扮、衣着都跟之前不同，敏之坦言：「呢個都係悲劇角色，小產、抑鬱，又畀人屈，佢為咗想報仇，又想搵多啲錢，一出獄就搖身一變成為金融界女強人，不過就慘情，我都戥呢個角色好可憐。」