Coffee微博蒲頭　寸爆話人冇資格批評佢

「Sing」之天使林芊妤（Coffee）自從「殘廁Gathering」事件之後，一直未有再更新微博，原本會於上星期返無綫向高層樂易玲交代事件嘅佢，最終亦因病而臨時甩底，並將會面日期改為今日。

雖然未知Coffee今日會唔會又甩底，或者星途係咪凍過水，但佢今朝早就喺微博貼出自己嘅童年照，並留言問：「Do you like this cute little kid and little me?（你哋鍾唔鍾意呢個咁可愛嘅小朋友同埋我？）」除此之外，佢亦post咗張由網絡下載嘅圖，上面仲寫有「Before you judge me, make sure you are perfect.（除非你係完美，如果唔係你冇資格評價我。）」張圖後面個細路仲手指指咁，態度串爆，唔知呢句說話佢係同邊個講o架呢？不過可以知道嘅係，佢心情已經平復晒。