失業Coffee求記者放棄跟車:唔想嘥錢兜圈

20140702
東網電視
更多新聞短片
被樂小姐「照肺」近兩個鐘嘅Coffee同無綫解約收場。
林芊妤(Coffee)因與富二代「Gathering」一事今早返無綫向高層樂易玲交代,Coffee約11時50分抵達電視城,被樂小姐「照肺」近兩個鐘後,約1時40分離開無綫,Coffee與無綫解約收場。
感謝公司栽培
Coffee被數十傳媒包圍在電視城外接受訪問,她說:「好多謝公司六年嚟嘅栽培,今次係好大嘅教訓,亦係好大嘅誤會,發生呢件事應該第一件事返公司解釋,但自己係小朋友冇好好處理。公司對我好好,好多謝呢段時間真係關心我嘅人,真係好感動,其實冇咩好講,件事過咗咁耐,畀啲空間我同屋企人啦。」
生計未有打算
Coffee承認與無綫已經解約回復自由身,生計未有打算,問會否向導演錢國偉求助?她說:「佢係我大恩人,但係呢啲都係後話,依傢要休息,身心都要唞一唞。」問coffee是否仍與富二代有聯絡?她說「唔回應。(佢喺你男友?)呢啲唔講。(樂小姐同你傾乜?)你哋唔好跟我車,我啱啱失業,唔想嘥錢兜圈,大家幫我慳返啲錢啦,我點都唔返屋企。」
否認寸樂易玲
Coffee電召了的士離開,但卻瘀爆上錯車,尷尬地下車再等的士,問她今早在微博上發表的言論是否寸樂小姐,她說:「唔係。」講到林師傑車震也未被無綫解約?Coffee沒有回應。再問她可覺得無綫處理公平?Coffee則謂尊重公司決定。