陳敏之唔敢再演小產：第時生BB會諗住

陳敏之以Tube Top Look到將軍澳宣傳新劇《點金勝手》，她說：「個劇喺大陸有3億點擊，多得黃宗澤，佢喺大陸好紅。（着得咁清涼賀新劇反應好？）唔係，夏天嘛！（4億點擊再着得夏天啲？）到時留番畀Bosco（黃宗澤）着泳褲啦！我都知大陸之前停播，覺得有啲可惜。」

敏之提到昨晚播出講述她小產的劇情，她說：「我收到好多朋友短訊話我做得好，叫我畀心機，尤其係生過小朋友嘅，更加話睇到喊咗出嚟，有好反應，我好開心，雖然我諗番都覺得有啲恐懼，但感動到觀眾都值得，但我真係唔想再拍類似情節，怕有陰影，第時生BB會諗住呢幕。」