郭晉安萬綺雯主題樂園拍結婚戲勾起回憶

藝人郭晉安（安仔）和萬綺雯（蚊蚊）到主題樂園拍攝最後一場的《老表，你好hea》兼煞科宴。問到安仔重遊當年結婚場地有否勾起回憶？蚊蚊就笑言今日個個都這樣問安仔：「我喺側邊都聽咗幾廿次！」而安仔就指今日與當年的程序一模一樣：「兩隻卡通人物話我結婚嗰時都係佢哋嚟，佢哋都做咗七年、八年，佢哋冇大過！」至於當年仔仔來樂園搞三歲生日會時，亦是同一個人扮，認真有緣。

問蚊蚊當年婚禮是否如此夢幻？她就笑言當年結婚好hea：「嗰時係飛去Las Vegas，冇着婚紗，淨係着see-through白裙、涼鞋就咁結婚。」而蚊蚊去了大峽谷影結婚相就被安仔笑指是去了石礦場，而蚊蚊就笑住反擊：「拍戲好多時都係夢幻婚禮，我啲石礦場婚禮好少有！」然後安仔就自嘲自己拍戲和現實分不開。

問拍畢後會否旅行叉叉電？安仔就表示一定會去：「都係啲有得游水、沙灘呀，啱一家大細去嘅地方。」至於蚊蚊就表示要等老公計劃：「我或者自己同朋友去住先，等唔到呀，我好想放假！（咁快完劇會唔捨得？）我哋一定好快再見架啦，會一班人出嚟玩。」談到王祖藍想爭取此劇做台慶劇，安仔和蚊蚊都表示一定支持。問知道有什麼對手爭做台慶劇，雖然明知檔期已定，但安仔就笑言自己有份參演的《忠奸人》是對手，而蚊蚊就講笑話自己的《牛頭愛搭馬嘴》亦是對手，相當搞笑。