「G奶謝安琪」崔碧珈揀男友唔要靚仔

20140704
東網電視
更多新聞短片
崔碧珈決心在娛圈發展,希望可以做到50歲。
娛樂圈向來奉信「一寸長、一寸強」,女星的「事業線」愈深長便愈易上位,最近黃柏高力捧的新女、貌似黝黑版謝安琪的崔碧珈(Anita)胸襲影壇,上圍目測至少G Cup,連她亦承認令人一見難忘,但這位「G奶謝安琪」揀男友卻玩另類,要似世界盃荷蘭出位球星洛賓咁有爆炸力!
金牌經理人黃柏高(Paco)今年力捧兩位新女,分別是「G奶謝安琪」崔碧珈(Anita)及曾參選華姐的蔡潔,當中擁有健康膚色的Anita如多位女星的混合體,貌似謝安琪(Kay)、陳嘉桓、韓星李孝利與台模隋棠,當她低頭露齒而笑時,更與「B餐女神」Kay猶如餅印!不過,Anita的身材比Kay澎湃得多,上圍目測至少G Cup,穿起三點式泳衣讓人有窒息之感,相比之下靠身材上位的陳靜(DaDa)、周秀娜及Jessica C.也頓變「渺小」!不過為免太惹人注目,Anita只「謙稱」上圍是36E。
現年26歲的Anita是家中大家姐,養成獨立捱得的性格,雖然父母年前離婚,但在內地開製衣廠的父親一直履行養育責任,令她可到英國留學,前年修讀碩士課程期間放暑假返港時,碰巧有機會到電影公司面試,憑一顆決心被Paco睇中,她說:「當時我身形肥肥哋,但公司都肯簽我,可能我表現到有決心,話呢份係第一份工,講明當係終身職業,希望搏到50歲!」簽約後,Anita地獄式減肥,試過一個月狂飲苦瓜汁,加上密密做運動舉重,練得既有「事業線」又有「馬甲線」!
揀偶講求「爆發力」
備受力捧的Anita早前參演錢國偉(Wilson)新作《辣警霸王花》,與岑麗香、欣宜及何佩瑜等同Team,戲份不少。Wilson亦「知人善任」,安排Anita飾演有胸冇腦的女警,絕招是靠騷身材色誘敵人,難怪外間將她與20年前曾參演「霸王花」系列的「波霸」葉子楣相提並論!對於身材出眾,Anita認為好壞參半:「我唔介意大家留意我身材,好處係令人對我留有印象,但我好鍾意做運動,就有啲煩,因為着啲緊身運動Bra時唔係幾抖到氣。(覺得自己身材優越?)係同普遍香港女仔有少少唔同,之前喺英國讀書,唔少人大隻過我,上圍勁過我,覺得自己好細粒,但返到嚟原來係幾豐滿!」早熟的Anita於13歲已擁有現時的身高及上圍,同齡的男生自然被「嚇窒」,她笑說:「男同學見到我咁大舊,以為我留班,覺得奇怪囉!(因為身材勁畀人歧視?)應該冇,但背後人哋點講就唔知。」
問到感情生活,Anita表示現時單身,但擁有魔鬼身材的她揀男友卻相當另類,不介意對方外形「重口味」,如曾跟200磅肥仔及頭髮稀疏的男士拍拖!提到擇偶條件,她以最近熱爆的世界盃作比喻:「好多人鍾意靚仔好似C朗拿度咁,但我冇咩感覺,反而欣賞荷蘭嘅洛賓,佢爆炸力夠又有經驗,我揀男友都唔睇外表,矮肥醜都OK,最緊要有上進心同孝順。」Anita表示不心急拍拖,暫時會向追求者派檸檬。