《巾3》雞姦戲闖禍　黎耀祥胡杏兒攞獎無望

三膺視帝的黎耀祥去年聯同《巾幗梟雄》班底開拍系列第三集《巾幗梟雄之諜血長天》，還打算成為今年台慶劇，一心諗住破紀錄四奪視帝。最新一期《好報》披露祥仔第四次視帝夢未發，已被一場「雞姦風暴」嚇醒。

其實《巾3》早已煞科，監製李添勝大致完成後期製作，一直有指《巾3》有一場祥仔被雞姦戲，交代祥仔在日軍侵華時期如何辛酸，這場極重口味的戲份，挑戰電視尺度，據知身為超級高層的總經理李寶安得悉後，已防範於未然，急會負責戲劇科的高層區偉林及總監曾勵珍問話，兼落柯打言明唔畀拍雞姦戲，連暗場交代都要飛。

言猶在耳，據知這場觸目驚心的雞姦戲一層瞞一層沒有上報，最終也拍下來。但紙包唔住火，李寶安得知此事後大為震怒，為大局着想及保無綫形象，加上有指《巾3》效果比《神探高倫布》更爛，立刻勒令大刀闊斧勒令剪戲。據知《巾3》原本共拍30集，每集製作費約100萬元，總共3,000萬元製作成本，屬無綫頂級製作，除了雞姦戲外，其他重口味鏡頭如在劇中子彈橫飛，有傳李寶安亦下令金鉸剪一揮，一剪就是15集，就算帳面乾蝕1,500萬元也所在不惜。

其實添哥早已收柯打要閹雞姦戲，但事後被珍姐「照肺」時，他竟解釋說：「我中咗蠱！」認真耐人尋味。據知李寶安已急召珍姐及區偉林商討解決方法，惟恐該劇被剪到支離破碎，有意下令添哥補拍，或是包裝成電視電影，改在周六、日播出，意味《巾3》未必會在黃金時段播出，損失的廣告費更是難以估計，而無綫有意變陣，改以《老表，你好Hea！》和《使徒行者》成為台慶劇。

《巾3》被狠剪，主角祥仔首當其衝，正為另一新劇《商戰》開工的他周二（本月1日）接受訪問時，問到是否得知《巾3》被硬剪15集？他眉頭一皺，煞有介事地說：「冇……冇聽過，如果公司有咁嘅諗法都係想件事好，尺度呢啲嘢公司最清楚，作為演員只係要拍好套劇，Cut唔Cut由公司決定，由30集Cut到15集一定唔會為咗一場戲（指雞姦戲），可能剪成15集更精彩呢！」他承認的確有雞姦戲，問到是否抗拒時，他說：「冇介意，做演員乜都要試，唔試永遠唔知好唔好，況且嗰場戲唔係我拍，只係我少年版拍。」問到會否擔心失落視帝？祥仔說：「收視好自然有人鍾意！我唔會擔心！」

就《巾3》刪戲一事，本報記者致電戲劇科總監曾勵珍，她談到這場雞姦戲時說：「其實冇話正式有呢場雞姦場口，只係劇本有咁嘅題材，當年日本侵華的確有咁嘅情況存在，但都唔會拍啦！其實套劇有30集，我暫時只係睇咗兩三集，仲有未睇到有咁嘅場口，因為尺度問題，就算有隱喻或者暗場位都刪咗啦！」至於會剪幾多集？珍姐說：「未知，可能會Cut五集，到依家都未知幾時播！」

有指添哥因拍《巾3》時中蠱，所以才不理上層指示照拍雞姦戲，珍姐對此說：「添哥同葉廣蔭拍呢套劇時的確好沉迷，阿葉好投入寫呢個古仔，因為太投入拍一個歷史真實情況，添哥都話自己好似中蠱咁！」