李嘉欣割完瘜肉　暈陀陀出活動

「大美人」李嘉欣出席活動時大遲到，她表示是因下午入院照腸胃內窺鏡：「因為要全身麻醉，頭先啱啱出院，依家仲wing wing哋，又要趕住化妝，所以遲咗。」她表示兩年前亦曾入院照過，當時亦發現有瘜肉：「今次照到有就即刻切咗，醫生話好普遍，所以唔使擔心。」

她表示每隔兩年才做一次身體檢查，故擔心身體有毛病：「每次做檢查都會驚，唔知會唔會有咩事。所以每次做檢查嗰時，都覺得自己平時冇愛鍚自己身體。」問到老公許晉亨有否一同做檢查？她表示：「冇，因為需要一個保持清醒，自己覺得好驚，同老公講：『會唔會咁一瞓就唔識醒？』佢就話：『放心，你一定會醒，我會繼續"哦"你』。」

夫妻相處之道：順其自然

談到名模Amanda S.宣布離婚，李嘉欣指很喜愛吃對方甜品店的蛋糕：「聽到咁嘅消息覺得好可惜，成年人做得呢個決定，一定係一個好嘅決定。」她還大談夫妻相處之道是順其自然：「大家一齊係緣分，就算一齊唔到，成年人都會成熟咁去處理。」