富婆高海寧露白底　龍友喪影

無綫「咪神」高海寧（高ling）到上水出席電台活動，和同場的組合天堂鳥、拾音社玩格價遊戲。穿短褲的高ling坐低時不慎露出白色打底褲，引來在場龍友舉機喪影。

高ling受訪時表示近期店鋪大減價，豪花了10萬購物：「我趁佢減價時掃晒一批，隨時ready，咁到時自己冇裙嘅時候就唔使周圍搵。」她笑言家中被戰利品包圍，只剩下床位，更會霸埋弟弟房間。

提到黎耀祥主演的《巾幗梟雄之諜血長天》，因為有雞姦場口，原本30集的戲被刪到15集，令無綫損失1500萬，高ling坦言不知情，但稱可能是公司政策，她又表示之前拍《My盛Lady》時亦曾被刪戲：「之前同沈震軒有好多2個人嘅戲，因為可能唔夠位畀人剪咗，都覺得可惜，之後搵監製問可唔可以畀我睇番。」

提到她被《好報》被拍得與弟弟行街，更在街上大啖食嘢，問到她出街是否不顧儀態？她說：「拍完外景，帶細佬去睇醫生，冇時間食嘢，所以買咗個蛋糕，我覺得食嘢冇問題，正常人會做嘅嘢。」她又指弟弟和她出街時會擔任保鏢角色，負責留意有沒有人跟着她。