江美儀唱歌怕嚇窒觀眾

江美儀接受電台訪問時，表示早前為卡通片《馴龍記2》配音，她搞笑話:「我知道自己要配音嗰個角色係Cate Blanchett(姬蒂班查)配即刻應承啦！配到同佢同級數啦！」美儀話答應後才知道配音期間要唱歌，更話自己是爛聲王，怕「嚇窒」觀眾，幸好現今科技發達，聽番都覺得自己唱得好好聽！其後，提到新劇與苗僑偉(三哥)合作有好多人羨慕，她笑言:「可能都有好多人羨慕佢(三哥)呢!」之後她亦大讚三哥依家仲靚仔過十幾年前，封三哥為「chok王之王」!