張智霖紅館騷晒麒麟臂　靚靚台下打氣

歌手張智霖（Chilam）一連三場紅館演唱會「CHILAM CRAZY HOURS LIVE 2014」開鑼，未開騷前，紅館門外有演唱會紀念品發售，吸引大批歌迷排隊搶購，而Chilam一眾圈中好友陳敏之及男友、伍詠薇和老公、蔡一智、蔡一傑兩兄弟、唱片公司老闆薛嘉麟和太太諸葛紫岐及經理人公司老闆蕭定一一家三口捧場，而太太袁詠儀（靚靚）亦現身紅館，但未見囝囝張慕童，靚靚大方給傳媒拍照後就拆返後台。

同歌迷玩自拍

個唱於晚上8時35分正式開始，全場爆滿，Chilam在四面台中出現，頭戴白帽及身穿白色長袍的他唱完歌後就除去白帽，露出一頭紅髮，他再脫去白袍，其白色窩釘背心凸顯了他一雙麒麟臂，而Chilam為個唱苦練fit爆身形，連臉頰都瘦削了不少，唱到第三首歌時，Chilam已忍不住走落台和歌迷握手，見伍詠薇及陳敏之等好友，亦逐一和他們握手致謝，另外，他又自取歌迷的手機玩自拍，氹得全場大叫，不停有人大叫：「我又要，我又要。」