王祖藍李亞男聖潔大使：唔會奉子成婚

扮嘢了得的王祖藍扮「都敏俊」為節目《Sunday扮嘢王》錄影，他說：「反正唔似『都敏俊』，索性惡搞佢。」

對於有報道指女友李亞男有喜要「奉子成婚」？祖藍否認：「我哋好乖，乜都冇做而會有咗嘅只係得聖母瑪利亞，當係笑話咁睇。唔好嚇親我哋啲教友，我哋仲係聖潔運動大使嚟，好多教友打嚟問，純粹係看圖作文，亞男咳一咳又話佢嘔，佢去廁所又話佢有咗，好明顯呢排冇乜新聞。」祖藍指女友也沒有嬲，只擔心嚇親班教友。