馬浚偉有營健康「動」議

馬浚偉工作忙碌，又要拍劇又要出席不同活動，但原來他也有自己的一套修身心得，他說：「今日想同大家分享一吓KEEP FIT，令自己唔肥嘅飲食心得。我都有問過醫生意見，平時早餐盡量可以食飽啲，下午都可以。但係夜晚盡量唔好食澱粉質食物，我依家都盡量都配合咁做，但我都會食肉以及生果，日子有功你真係發覺身上脂肪真係會少咗，但當然最好係配合埋運動啦，我自己就保持每星期最少兩次健身運動，同埋會打羽毛球、游水。男仔想睇落去再FIT啲同瘦啲，就可以去曬吓太陽，古胴色肌膚可以睇落去瘦啲嘅，肌肉線條睇落去會清楚啲。但係女仔唔鍾意曬黑嘅話，就真係要自己做運動KEEP FIT喇。」