J.Arie計劃四十歲後做律政先鋒

歌手J.Arie（雷琛瑜）出席《我創我前途》文憑試放榜講座暨工作坊，以過來人身份分享升學經驗，讀書成績優異的她會考取得25分佳績，包括3科A級成績，在港大法律系畢業後毅然放棄大好前途，完全為了追尋夢想，她說：「由細到大我都冇機會Say No，唔敢同父母講自己想做咩，所以都想同同學仔同埋家長講，真係要有坦誠溝通，唔好建立一個家長嘅權威形象，要追尋自己真正想做嘅嘢。讀大學嗰時我開始夾Band，知道自己真係好鍾意音樂，所以同屋企人講好，畢業後可以做自己熱愛嘅嘢。」

不過她亦奉勸青少年應完成學業才講夢想：「當畀條後路自己，始終呢個社會有最低嘅Requirement（必要條件），要讀到一定專業程度嘅書。」她又笑說：「我都唔排除40、50歲會返去做律師！」