林夏薇做啦啦隊攞正牌睇仔

藝人林夏薇到一所學校出席新劇《寒山潛龍》宣傳，期間男藝員與學生進行足球賽，無踢的她化身啦啦隊在場外為一班男藝員打氣。林夏薇雖然無落場，但因天氣勁熱，烈日當空下她亦流晒大汗。

受訪時，問到會否喜歡識踢波的男仔，她說：「無乜特別，鍾意健康、做運動嘅男仔。」她透露有時間亦會睇世界盃賽事，但因要開工未有睇巴西與德國的四強大戰，她笑言有於化妝間偷望一下。問到有否男士相約睇波，她只表示有與成班同事在化妝間內觀看。