孫耀威拍MV肉搏激咀倒奶台妹

歌手孫耀威為新歌《叛侶》拍攝MV，老孫更親自邀請到台灣人氣混血女神雷瑟琳做女主角，提到雷瑟琳時，他立刻說：「之前同佢喺台灣拍過偶像劇，今次搵佢佢一口答應！其實MV會有激吻，都冇諗過佢可以咁開放嘅！」兩人在MV中有多場激吻場面，雷瑟琳更解開恤衫露出豐滿上圍與老孫肉搏，問到老孫有否向女友陳美詩（Macy）報案，他說：「新歌概念係女朋友諗嘅，係講偷食，佢叫我歌詞要寫得肉緊啲，拍都要拍得肉緊啲，所以冇話特別報案啦！」

其後問到怒告微風廣場一事，老孫回應：「好大打擊！我花咗好多錢去開cafe，點知原來個舖位唔可以做飲食嘅！好彩上海酒吧嘅生意好好，今次要為自己爭返口氣！」提到是否因此才延遲婚期，他笑言：「其實我都想依一兩年生BB，但實在太忙，生意都用咗好多時間，我同Macy都係聚少離多，好彩佢好體諒我，一路支持我！」