吳千語黃又南街頭拍戲　濕晒！

演員吳千語與黃又南現身中環街頭，拍攝新片《王家欣》。由於天氣炎熱，又南的戲服濕透，千語則直言拍到「冇胃口」。

千語大讚首次合作的又南風趣幽默，而又南談到戲中一場千語主動向他獻吻的重頭戲時，直言相當期待：「因為呢場戲做得好嘅話，會令影迷好感動嘅。」他又踢爆該片原來是導演的寫照：「我個角色太樂觀，有時會令人覺得我智商有問題，導演同我講，有唔明就問佢囉。」

談到世盃巴西大敗給德國，本身是「巴西粉」的二人異口同聲認跌眼鏡，但大讚德國隊合作性高，又南更抵死謂：「睇德國波好悶，因為佢哋太過穩陣，巴西唯有等4年再嚟過啦。」