朱茵靠囡囡保持年輕

有性感女神之稱的靚媽咪朱茵早前以中國區代言人身份為護膚品牌拍攝廣告，她穿上米白色通花喱士晚裝上陣，並梳上All Back髮型，漂亮迷人。當天與她合作的著名化妝師Jonathan Li大讚朱茵睇唔出已經是媽媽級，大讚她肌膚猶如青春少艾。

朱茵難得地「放下」愛女，全情投入拍攝工作，她又分享護膚心得，認為女性不需要太介意年紀大，因這是自然定律。她表示保持年輕的心態，同樣會令人神采飛揚，這方面她歸功於囡囡：「同小朋友喺一齊，永遠會有新發現，小朋友睇世界，同大人睇嘅唔一樣，一啲小事都會覺得好好奇、好雀躍。」