可嵐四年間不定期遭家暴 記者會上強忍淚水
20140711
東網電視
更多新聞短片
可嵐召開記者招待會交待家暴事件，途中不時哽咽飲泣。
歌手可嵐就日前被指受到家暴的報道召開記者招待會。因可嵐的遲到，令記者會未能在原定時間開始，遲遲未現身的可嵐一到場即向在場傳媒致歉，表示剛由內地工作回港，加上遇上塞車才會遲到。
可嵐在開首表示事件已埋在心裏好耐，說畢，開始嗚咽地說：「記得之前見到咁多傳媒係結婚嗰時，再見到大家覺得好慚愧。我一路希望維繫家庭，一路冇向外界透露，當我想起好唔開心嘅嘢時，會返教會同人分享，希望喺你哋（傳媒）面前可以好好睇睇，都希望小朋友可以喺幸福齊整嘅家庭成長，呢件事上唔希望指責任何一方。」
她又表示不希望囝囝受到傷害，並指會獨力照顧囝囝：「我可以忍受皮肉傷，但小朋友嘅傷會對佢成長造成長久傷痕，希望大家可以繼續保護呢個小朋友，以後日子我會同小朋友一齊生活，獨力照顧佢。」
可嵐心情此時回伏平靜，表示會向老公提出離婚：「我會向先生以『不合理行為』為理由提出離婚，細節交畀律師相討過後會交待。」問到兒子撫養權歸誰，可嵐表示要交由法庭判決：「要交由律師同家事法庭去判，初步會爭取撫養權。」
可嵐又指出與老公有一個多月沒有見面，並由律師與對方聯絡：「冇同佢(老公)正式通話，交畀律師處理，律師方面未有回應佢意願係點，下星期律師會同佢認真傾吓，包括個仔撫養權同埋以後日子係點。」
提到上個月2號報警處理的案件，可嵐表示警方並未作出檢控：「暫時以雙方互相傷害及毆鬥處理，轉擔保都轉咗兩次，依然未落口供同做檢控。（你有還手？）唔係，因為警方嘅處理如果兩個人同時在場，而其中一方話另一方攻擊佢嘅時候，警方有權懷疑雙方都有機會郁手。（但未落口供？）係，希望警方盡快處理。」
可嵐提到與丈夫分開已經個多月，當囝囝問及爸爸去了哪裏，她都向囝囝表示爸爸正忙於工作。問到囝囝可有見過她被家暴的情況，她迴避說：「呢件事對個仔有好大傷害，如果影響咁大佢一定感受到。」她又指多年來為了不想影響小朋友，都會在他面前盡量與老公扮恩愛。
問到家暴是何時發生？她即說：「呢四年入面不定時都有。（最嚴重傷害係？）個case進行中，唔可以透露太多，除非警方close file。」
可嵐講到媽媽看到報道打給她，又開始強忍淚水地說：「媽媽睇完報道打畀我喊，覺得好難過，自己單親家庭長大，唔想小朋友都喺單親家庭成長，我媽媽都好感同身受。」
她又表示要重新投入工作賺錢照顧兒子，近日將會推出新歌，新歌裏面會有自己的經歷。
有記者要求她展示傷勢，但可嵐表示傷勢已痊愈得七七八八。問到她老公有沒有看醫生證明患上躁狂症？她說：「冇睇醫生，不過有社工跟進我哋個case。」