蕭正楠遲大到　焗向曾勵珍斟茶認錯

有份演出無綫劇《商戰》的蕭正楠（EDWIN），遲了近一個鐘才抵達劇集煞科宴現場。當他出現時，一班演員包括好友曹永廉等決定「教訓」他，阿廉要全場人焦點集中在EDWIN身上，並要他眾目睽睽下向席上高層曾勵珍斟茶認錯，嚇到EDWIN即時抹汗。

約女友從不遲到

事後問EDWIN是否與女友黃翠如拍拖而遲大到，流晒大汗的他即否認，並笑指因怕了珍姐，故嚇出一身汗：「講笑啫！其實我忘記咗星期五難搵的士，見唔對路即刻改搭小巴再轉港鐵，嚟到樓下又搵唔到，跑咗幾條街，所以流晒汗啫！（有冇要女友等過你？）冇，我哋通常收工時間唔同，邊去邊約時間，唔差太遠。（一齊睇波？）未知，我知佢愛隊巴西出咗局，佢喊晒好傷心，不過德國、阿根廷都係佢愛隊。」