胡定欣遊說胡杏兒拍裸照

早前為胡杏兒於出海期間拍下索爆泳衣寫真的胡定欣，在《商戰》煞科宴上表示最愛為別人影靚相，特別是杏兒：「因為佢係甫士王，（自己唔影？）嗰日我準備未夠，唔想被比下去，嗰日我哋影相影到唔記得去曬太陽，（出寫真？）杏兒都好鍾意我幫佢影相，我好期待成班姊妹組隊去享受陽光與海灘，由我操刀為杏兒影相，幫佢出寫真集，我仲試過提議佢裸露上身，但要搵啲荒島先得，（自己幾時影？）等我Keep好身材先！」

陳庭欣撞到手瘀腳瘀

而同場的陳庭欣展示手腳瘀痕，她解釋：「啱啱拍暑假水上遊戲節目，撞嚟撞去搞到咁，（走光？）冇，我着咗泳衣打底。」