王菀之放閃光彈　冧爆話同男友甜到漏

歌手王菀之（Ivana）到屯門宣傳新片《分手100次》，與其他嘉賓即場調製雪糕咖啡，導演鄭丹瑞（旦哥）試味後即變臉，點評Ivana的作品為最難食！事後Ivana表示未有介懷，笑言旦哥對她向來特別嚴苛：「片場第一次見，佢唔係同我講早晨，係指住我個頭話我全世界最渣，因為佢知我近距離對鏡頭就會荒，不過佢咁都用我，證明我有過人之處啦！（係乜？）我都唔知，要問番佢。」

提到該杯雪糕咖啡代表愛情觀，一半甜一半苦，台上Ivana指雪糕與咖啡融為一體，問到她跟男友是否也一樣？她甜笑說：「一半一半啦！都甜蜜既！苦時候加番糖咪甜番囉！（你會點加糖？）其實暫時都未有苦呀！」嘩！認真晒命！