怪樣事件　鍾嘉欣迷上睇人膝頭

藝人鍾嘉欣於屯門出席DSE放榜活動，她認為人的一生都在學習，拍劇猶如考試，她說：「有時角色捉唔到，收視唔好就好似考試考得唔好咁，但係勤力就有出頭天！」她又表示小時候數學差，有一次溫書無法入腦，就不斷扭計打枕頭！

至於在感情上有否因遇到壓力而喊？她說：「好彩無！（為感情喊？）反而係擔心怕嗰個人（指男友伍允龍）受傷而喊！（佢成日受傷喎！）你地諗多咗啦！」。

其後嘉欣又轉換話題指自己着重學生的心態，有時候見到一些新聞發生會想喊，認為生命很寶貴，望將來可與學生分享個人的入行見證。

談到其膝蓋被指有怪樣，她笑謂：「新聞出咗之後，我開工個個都笑我個膝頭哥！我自己就覺得好cute，依家一見人就想叫人除褲，睇下人佢哋個膝頭哥，我嗰個就係funny face! 我經理人同我嗰個一樣架！」，至於有沒有檢查男友的膝蓋？她笑言：「未check！見面再check！(叫男友除褲會令佢誤會？）嘩！你嚇親我呀！」