沈震軒望「杜冼」反目風波和平解決

藝人沈震軒官仔骨骨亮相觀塘APM，為放榜學生載歌載舞打氣。期間他自爆即將夥拍羅仲謙及蔡思貝，開拍一套講述單車的新劇《衝線》：「新劇講我哋會參加單車公路賽。我哋仲會去台灣拍大半個月外景戲份！」

談到曾學功夫的他有否留意杜宇航與冼國林的師徒反目風波？自稱毫不知情的他盼二人盡快和平解決：「作為旁觀者，我就好尊重自己的師傅，佢哋之間可能有誤會，和平解決係好事！（你keep住學功夫？）學緊另一種武術，就係跳舞，因為新歌會有全新舞步！」