陳敏之未落實婚期

陳敏之、謝天華及黃宗澤（Bosco）8月往馬來西亞舉行演唱會，記者會上待嫁敏之成被取笑對象，明日生日的天華則獲大會推出蛋糕，為他提早慶生。

敏之透露剛簽約新成立的唱片公司，且大方表示：「婚期其實未定實，可能係年尾或明年。結咗婚我會繼續工作，因為性格唔停得。（之後唔拍咀戲？）男人口講冇所謂啫，不過結唔結婚，我都覺得要少啲，視乎劇情需要啦。」

Bosco孤獨睇波

天華表示生日願望想影視發展順利，及大家身體健康。由於正趕拍林嶺東電影關係，明天將在工作中度過生日。Bosco則自爆孤獨在家追看世界盃冠軍賽，暗示感情並無着落：「邊有人陪？個個第二日都要返工，反而季軍賽就有舊同學嚟咗我屋企一齊睇。」