羅仲謙唔着底褲做「現袋人」 強調冇僭建

羅仲謙（謙仔）、沈震軒、溫家偉及周志文等以單車緊身褲Look，現身將軍澳為無綫新劇《衝線》試造型。期間謙仔被記者笑指為「現袋人」，他笑稱單身選手裝束好睇，因為夠緊身。

首度擔正主角的謙仔大爆為新劇整花腳：「我從未接觸過呢種單車，好易反車，我訓練咗兩個月，隻腳都花晒，拍劇時可能要用遮瑕膏，不過最重要塊面無事。」

問他穿上激凸戰衣示人會否感到尷尬？他自爆「無下裝」上陣：「少少尷尬，因為着呢種褲冇得着底褲，不過有塊好厚的墊，似足着泳褲（僭建加強效果？）唔洗，塊墊太厚！（於新劇晒肌肉？）唔會，冇機會晒。」

談到於新劇與吳若希的感情線？謙仔稱會與吳若希、蔡思貝及沈震軒上演四角關係，他又表示期待與前輩米雪合作。