江美儀自爆會帶狗仔入戲院睇戲

江美儀身穿白色長裙出席以動物為題材的電影慈善優先場，問為何不與同樣愛錫動物的男友吳君祥拍拖睇戲？她竟自爆平時會帶埋隻狗去睇戲：「我會用狗袋帶隻狗入去，等熄燈後先抱佢出嚟。我唔會放佢落地，佢又好乖唔出聲。（唔驚戲院聲效嚇到佢吠？）唔會，之前試過睇以狗為題材嘅戲都ok，佢冇咩反應。」

她又稱有盡力避免打擾其他觀眾：「（違唔違規？）冇話得同唔得，我會好檢點，買最尾同最入嘅座位。」她又直言希望戲院設立「人狗特別場」：「我想光明正大咁帶佢入去，其實之前討論過，主要係衛生問題，希望戲院會設特別場。」