公園玩遊戲　千嬅發揮湊仔本色

已為人母的楊千嬅接演導演關信輝真人真事改編的新片《五個小孩的校長》，可謂相當投入。在天氣酷熱下，她偕同劉玉翠及吳耀漢等，加上數十名扮演學童的演員，浩浩蕩蕩出發到郊野公園外景。一眾演員因應劇情需要，化身大細路與5位主演的小童星們玩集體遊戲，雖然熱到大汗疊細汗，小朋友們卻相當合作，不時逗千嬅說笑、耍樂及合照，千嬅更一口氣念出眾人的名字，氹得小朋友大叫﹕「真係記得晒呀。」

千嬅與幾位小童星建立了不錯的友誼，她更大讚她們說﹕「真係話頭醒尾，記性又好，都算拍得順利。」她又透露囝囝2歲Torres已開始上學：「佢返playgroup，又真係好似幾鍾意返學咁，至今都未喊過，佢特別鍾意同年紀大過佢嘅小朋友一齊玩。」