「舊愛」袁曉鷗向高聖遠挑機

大陸女星周迅昨晚同男友高聖遠舉行結婚，今日就驚爆疑似周迅舊愛登報挑機！嘩！真係好似經曲電視劇《上海灘》入面許文強咁，想搶新娘咩！不過呢個登報勇士唔係周迅舊愛李亞鵬、唔係李大齊、亦都唔係朴樹，係袁曉鷗！邊位呀？

呢位袁曉鷗喺今日出版嘅某份報紙中，登咗以「高聖遠，你敢不敢像我這樣愛周迅」為題嘅全版廣告！文中要求高聖遠：「不要讓她減肥，她要再重了2公斤才健康，不要讓她喝醉，如果醉了，就抱住她不放手...」仲是非常感人非常偉大咁寫道：「將我十年愛慕變成祝福。她若安好，我備胎（後備）到老。」

呢編文章嘅署名係「她的早更男友袁曉鷗」，原來係周迅主演新片《我的早更男友》嘅男主角袁曉鷗，車！咁即係廣告啦！