人妻楊千嬅性感回歸

楊千嬅舉行新歌《色惑》MV首播會，千嬅在MV中以大膽性感形象示人，連主持人森美都問：「點解要結咗婚生埋仔先行性感？」她即笑言：「生仔之後，發現自己有其他優點，仲有空間發展，老老實實，我去金像獎頒獎畀張家輝嗰套仲性感啦，但啲人以為我調轉咗件衫着，好唔開心。」

千嬅又大賣關子話MV會有增強版，叫大家拭目以待，問到老公丁子高點睇千嬅的性感Look？她說：「佢話識我咁耐都未見過。（有冇叫你喺屋企着？）太貴，買唔起啦！」

提到有網民話新造型好重口味，千嬅話：「當係有話題性囉。（驚唔驚影響日後帶囝囝見學校嘅形像？）唔會，可能會覺得楊小姐好專業o添。」千嬅又話反而當年拍電影《餃子》才是最大掙扎。另外，有報導指《色惑》是澳門一個脫衣騷的主題曲，千嬅就澄清不是，又指該表演騷並非脫衣騷，可以叫老公帶大家去欣賞。

而現場所見千嬅手臂通紅，她解釋因為拍戲曬傷，甚至有一級燒傷，她又笑言日前丁生拍她手臂請她幫手斟水，痛到她不禁大鬧老公。