楊思琦自認24小時鐵人媽咪

「靚媽」楊思琦以白色透視短裙現身西環，出席以卡通人物為主題的商場活動。談到其約兩歲的愛女，思琦自爆會晚晚為她講睡前故事：「不過佢會愈講愈精神，扭計唔肯瞓，搞到我要強制熄房燈！」

問到她於暑假會否帶囡囡游水？她自爆曾令B女狂飲池水：「我已經帶咗佢去兩次，佢第一次游嘅時候好驚狂喊，搞到飲晒池水。第二次加埋泡泡手袖就習慣咗游（帶B去海灘？）要再睇緊啲，驚佢唔知浮咗去邊。（暑假去旅行？）佢依家識行就可以計劃吓！」

問到離開無綫的她現時有何工作大計？暫未打算聘用經理人的她，稱會到大陸登台及擔任節目主持。她又自認「24小時鐵人媽咪」：「登台要周圍去，一有時間我會全力照顧囡囡（好攰？）冇計，要做嘢同湊女，媽咪係24小時都忙，我已經變咗鐵人！」