馬國明同真正高手演戲唔會有壓力

無綫小生馬國明（馬明）以民初Look現身電視城為新劇《梟雄》開工：「已經開咗個幾星期，好高興有機會向前輩學習。」除了有機會與影帝黃秋生合作外，更難得與十年沒有合作的黎耀祥（祥仔）一齊出演：「我同湯鎮業有好多對手戲，發覺前輩好勁，一出嚟已經好有勢，呢套戲係同前輩學嘢，雖然同秋生冇對手戲，但時間許可都會入廠睇佢演戲。」

願意隨時改戲路

問秋生有否過兩招？馬明說：「暫時冇，因為冇同場，但同祥仔有對手戲，有時見到有咩可以做好啲，佢都會提我，有呢啲前輩帶住好開心，再進修吓係好事，因為成日自己做自己模式，可能個模式會定、套套戲差唔多，如果間中有人提點、改變吓，或者有啲監製睇到某啲特質係未發覺，我都好樂意改戲路。」

他直言面對影帝、視帝都冇壓力：「個個都好好，愈勁嘅前輩愈唔會畀壓力我哋，因為佢哋知道畀壓力我哋，令我哋原有嘅嘢都做得唔好，反而會引導我哋再做好啲，暫時遇到啲前輩都好好。」