黃秋生同黎耀祥對戲　自爆擅改劇本

藝人黃秋生為好友張達明老婆何念慈出書撐場。而達明更帶同一對子女現身為老婆打氣。

談及夫妻生活時，秋生被問如何給老婆安全感？秋生說：「我天生冇安全感，老婆咁狼死，由佢保護番我，（入到家門未？）入到，不過仲要睇面色，（依然感覺幸福？）好幸福，有佢保護，（點報答老婆？）以身相許，無以為報，（暑假帶老婆去旅行？）我搵錢，佢去旅行得喇！」

談到拍攝中的無綫新劇《梟雄》，秋生直呼與視帝黎耀祥對戲好過癮：「同佢合作好過癮，（祥仔對住你有壓力？）冇，不知幾開心！」他又不諱言會動手改劇本：「梗係改，將對白改得合理啲，（淨係改自己對白？）自己嗰個場口同身邊演員，（得你夠膽改？）冇話夠唔夠膽，係願唔願意同對工作有冇責任。」