陳豪自稱香蕉冇拍過艷舞片：外黃內白

陳豪出席「心晴行動」慈善活動時，即場自掏1000元買慈善套裝，以示支持。問到飲咖啡能否減壓，他表示：「係，做人唔係為生活，要有自己夢想，聽過人哋話50歲先搵夢想，覺得唔make sense，因為失敗唔起。」

讚陳茵媺有愛心

提到愛妻陳茵媺棄養3隻貓，被網民怒轟，對此他解釋：「小誤會，係觀點與角度。（愛妻被鬧有冇唔開心？）反應咁大我都有啲意外，而且有報道講嘅唔係事實，佢有責任出嚟澄清，解釋咗就ok。佢好有愛心，無論對小朋友定動物，佢有助養小朋友。（安慰太太？）唔使，佢ok。」

認為馬賽情有可原

馬賽艷舞片流出成為全港焦點，對於有報道指馬賽講大話，身為局外人的陳豪就表示：「我理性解釋，段片傳畀身邊最親嘅人，好多人都會咁做，依家流出嚟，我唔作揣測，出於愛情而做，係偉大嘅，冇傷害人、對唔住人，情有可原。（你覺得佢為人點？）我認識佢唔深，佢做戲好。」有指馬賽有發過曖昧訊息給年過50歲的男藝人，陳豪就表示未到50歲，故收不到。

問到陳豪自己有否拍過艷舞片，他直言：「呢個年代咁多鏡頭，又有網上流傳，我仲影就搵笨，唔會咁做，人大咗就唔會。（年輕有影？）唔話你聽。（即係有？）冇冇冇，我表面open ，內裏保守。」記者再追問相同片是否都沒有拍過時，他搞笑謂：「冇，我係香蕉，剝開係白色。」