鄭欣宜只會為結婚減肥

歌手鄭欣宜在沙田出席活動，並親手炮製Cup Cake，早前為肥人發聲的她，表現得仍然十分為食！問現在是否飲食不節制？她笑說：「又唔係冇節制，但唔會好似之前清淡到咁犀利，呢刻我唔會刻意減，如果有日結婚要着婚紗就會減。（男友唔投訴就算？）如果身邊男人投訴太肥，我唔會要佢囉，一段好嘅關係唔可以齋Base On（立足於）外表，如果鍾意一個人嘅性格會持久、深厚好多，依家都好開心。」

欣宜又自詡「性格好索」，從來冇另一半嫌她肥，自己也不會刻意谷肥男友：「最近我愛約朋友做運動、行山、Jam歌同畫畫。」順便發掘男友的興趣。

靠報紙與前度通消息

談到舊愛Mark Ryan女友懷孕自爆將榮升老竇，欣宜大方祝福前度：「佢都大個仔啦。（幾時到你？）我唔知道，順其自然，其實我哋好少聯絡，都係透過報紙見到（對方消息），大家冇乜Common Friend。（加速你結婚？）唔會，如果要受人影響結婚、生仔，咁樣係唔健康，同對方時機成熟先最好。」

問可有否計劃結婚？她笑說：「唔係我Plan，我比較怕醜、含蓄。（你Ready未？）睇情況，我Ready都要睇對方Ready。」大家Ready後是否需要時間減肥着婚紗？欣宜笑說：「求完婚都仲有段時間，（見到你瘦就係準備結婚？）可能係！」