楊思琦特訓囡囡泳術

索媽楊思琦在沙田出席活動，提到兩歲幾的囡囡八月開學，她也趁暑假為愛女報讀英文、國語及數學班，問到是否想培育女兒做尖指？思琦笑謂：「冇，希望佢充分利用時間，等佢唔使咁悶。（係怪獸家長？）我都未怪獸得哂，好多時都有帶佢去玩，未必全程讀書。」她指早前也陪囡囡去游水，間接令自己身形Keep得更Fit，又透露有意待對方3歲時請教練學游水。

一直有傳BB爸爸是跳水隊成員的吳帥，問到是否想訓練女兒入游隊？思琦說：「想趁佢未懂事教識佢，等佢大個咗就唔驚，因為成年後難學到。」她又稱初頭試過拋B女下水，但囡囡喊過幾次後便很Enjoy，再問女兒有否遺傳到似爸爸跳水叻？她尷尬笑道：「唔知呀。（有呢方面天份？）佢有唱歌天份，成日喺屋企唱歌。（介意佢入娛樂圈？）順其自然啦，最緊要佢自己鍾意。」至於是否渴望做「星媽」，思琦笑言歡迎奶粉、尿片等嬰兒產品廣告商找她洽談。