盈盈樂樂培養女兒幸福快樂

藝人錢嘉樂和湯盈盈兩夫婦拍拖出席電影《分手一百次》首映，而嘉樂也有份客串電影中一個角色。

談及有報道評論女兒錢凱晴的外貌，令盈盈因此爆喊？盈盈立即作出否認：「好多人傳短訊安慰我，我完全唔知咩事，但知道咩事後都冇唔開心。」 而嘉樂也說自己没有因報道而傷心：「我覺得唔需要介懷，各人有各人對外貌嘅睇法，似我就一定靚啦！」盈盈插嘴說：「所以我更鍾意個女。」

凱晴懂得分享關愛身邊人

嘉樂強調很難阻止旁人想法，但覺得女兒是個健康、快樂的小孩，只要她開心已經足夠：「有咗個女，成家人見面都多咗，我唔擔心佢嘅外表，但觀察到個女喺Play Group 返學會分享玩具同嘢食畀其他小朋友，性格好又唔自私，似足我！」他又表示現在女兒只得十六個月大，不會去計劃她會否入娛樂圏：「凱晴讀書成績唔緊要，最重要佢懂得享受人生同對身邊人好。」