吳卓羲未過半百冇收馬賽曖昧短訊

無綫藝人吳卓羲於尖沙咀出席電影首映，自言趁休息所以得閒嚟睇電影，又稱自己好鍾意公仔模型：「自己都有儲好多模型，但又貴，冇辦法，唯有嚟睇咗電影先囉。」

問為何不帶女伴來看電影？他笑謂：「有，我朋友嘅老婆，佢哋一家人嚟睇。溫馨吓嘛，自己冇家庭嘅時候，唯有黐住啲朋友，我都好Dry呀。（想識番個？）其實好難架，又冇時間識又冇時間拍拖，唯有靠朋友陪吓我先囉。（冇睇中人咩？）你睇中人都要人睇中你先得架。（即係有睇中？）冇，冇時間識又冇時間了解，就無謂浪費時間啦。」並謂向來傳出的緋聞都當為劇集宣傳。

吳卓羲又坦言有留意馬賽的負面新聞，希望事件盡快平息、大家無謂迫得她太緊，並表示無對方的聯絡方法。問到會否戥馬賽心痛？他指作為同事也不望對方發生這種事情，更撐馬賽有心在這行發展。有傳她發曖昧短訊給年過半百男藝人，吳卓羲笑言有睇報道：「我未過半百，我冇份，拍《名媛望族》同佢對手戲唔多，所以我冇留意到，問我都唔係好相信。」