萬綺雯冧爆望再同老公度蜜月

藝人萬綺雯（蚊蚊）及Babyjohn（蔡瀚億）現身鑽石山，出席舊書回收活動。期間蚊蚊自爆愛睇勵志書紓解壓力，她又冧爆稱若唔開心，會獲老公請食飯氹番掂：「唔開心會同老公講。（叫佢氹番你？）唔使叫，佢睇我樣都知，可能會帶我出去食飯。」

蚊蚊自爆剛「撇低」老公，與女友人從德國、法國及荷蘭旅遊返港，她說：「老公唔得閒，我同朋友去德國搵朋友，再去法國Shopping。（冇老公陪都玩得開心？）OK架！」她又自爆想與老公再度蜜月：「想計劃吓年長假去兩至三個禮拜。（再度蜜月？）度多幾次都冇所謂！」

同場Babyjohn自爆從小是位小說迷：「做嘢忙會少咗時間睇書，依家無論坐車或睡覺前都會睇！」他又自爆鍾情茶道：「暑假想去日本玩，我本身都學咗茶道兩年。（興趣好老氣？）我會踢波平衡番！」