方力申開心被讚靚仔十年如一

近日成功晉身爆肌型男之列嘅方力申（小方）喺微博透露返咗去以前成日打波嘅球場，遇返以前成日見到嘅伯伯，仲傾咗陣添！傾完一輪小方同伯伯合照留念，小方上載合照到微博，留言：「讀大學的時候我常來這個球場打球，那時幾乎每次都會在這見到他。今天我又來到這裏，相隔十多年，我們又相見了！整個球場只有我們倆，我們聊了一會，雖然我們見了面很多次，但這次是我們第一次交談。原來他姓曾，70歲，在這區打球打了40年，他還說他以前看過我在屋苑游泳，那時我大約10歲，還讚我以前和現在一樣靚仔。哈哈。多謝您也祝您身體健康。」

小方除咗打波之外，喺屋企都好勤力做掌上壓，佢仲有一個提高樂趣嘅方法，就係一路做掌上壓一路錫鍚愛貓肥妹！小方上載影片上微博，留言話：「肥妺在享受！我也在享受，1，2，3，4，5！流汗，流汗，流汗。」小方好勤力做，肥妹就好乖咁坐喺度任小方鍚，場面得意又溫馨！