Lisa S.稱吳彥祖亡母仍未考慮復工

名模媽咪Lisa S.出席奶粉品牌的微電影首播禮，剛從美國返港的她首度公開亮相：「之前去咗美國，享受咗三星期嘅旅行，多數留喺三藩市，亦有去拉斯維加斯探屋企人，返到香港覺得好熱好焗。」

問到吳彥祖（Daniel）的母親早前因病過世，現暫工休息，對此她表示：「佢心情正常，但始終事件好突然，好難講佢心面嘅感受。（佢會唔會考慮復工？）佢要照顧佢爸爸，比較難，等佢爸爸心情平復後先決定。」

她更大談一家三口共處的溫馨時間：「未試過離開囡囡一日，喺飛機諗起都忍唔住喊，好想喊。（唔帶佢返嚟？）佢依家喺美國讀書，加上香港環境唔適合。（囡囡識講嘢未？）佢識叫爸爸，但唔識叫媽媽，我輸咗畀Daniel，好唔開心。（咁Daniel係咪好開心？）梗係，但囡囡第一次攬攬係畀咗我，所以我哋平手。」