中山首映禮場面墟冚　阿旦搶護王菀之

藝人鄭丹瑞（旦哥）和王菀之（Ivana）出席中山棕櫚彩虹五月花電影城開業典禮暨電影《分手100次》首映禮。眾人與粉絲合照時，面對大批記者的旦哥就搶咪呼籲：「大家退後啲，唔好逼。」而簽名時間，場面更見墟冚，令到保安要築人牆保護王菀之、鄭伊健及周秀娜眾星。而步入戲院後，旦哥更在席上分享，其後更剪綵兼點睛。至於Ivana更即席獻唱電影主題曲。

訪問時問旦哥對票房會否感到緊張？他就坦言不緊張：「留番畀後生嘅去緊張啦！」又指電影口碑好，同時以自己的年紀再一次執導，已經好享受、好滿足。而Ivana就指不論單身還是熱戀中的情侶都要看：「因為情節好現實、好真實，會好有共鳴。」問到會否和男友一同觀看？她坦言會，但表情頓時變得甜絲絲，然後怕醜地笑兩聲：「哈哈！」旦哥就笑她情不自禁，更表示自己和鄭伊健都會包場觀看，叫Ivana都包場。而Ivana就即時笑說：「咁我張單畀你，包埋爆谷喎！」至於在旁的林珊珊就透露，戲中錢嘉樂和湯盈盈會飾演自己，而Ivana就會做小三跟嘉樂搞曖昧，更大爆因為太真實，所以盈盈有「少少嬲」。而Ivana亦大讚嘉樂演技好。