細佬高雄爆炸後失聯　高海寧失眠自責

台灣高雄氣體大爆炸釀成逾20人死逾200人受傷，藝人高海寧（高Ling）弟弟正在當地旅遊，事發後更一度失聯，令高Ling心急如焚，擔心致無法入睡。另一邊廂，早前在高雄拍戲的台灣男星彭于晏，對當地一夜間變成人間煉獄深感難過！　

港人旅遊熱點之一的高雄昨晚發生氣體外洩，引發連環大爆炸，由於事出突然且威力強勁，引致死傷無數！而藝人高Ling正在當地旅遊的弟弟，在爆炸後失聯，嚇得高Ling在社交網留言指用盡所有渠道，希望得知弟弟平安，並略帶自責地表示：「見細佬畢業就出錢請佢去台灣同啲朋友旅行，出發前我已經預備晒當地上網卡，等我隨時搵到佢，但事發後搵唔到，WhatsApp冇回應，好擔心！」

高Ling甚至擔心到無法入眠，她說：「一路搵唔到細佬，上網睇片又睇到好擔心！細佬係由台南一路玩上台北，啱啱先到高雄咋，就發生咁嘅事。後尾幾經辛苦終於打到畀細佬，佢話無事，我至放心，佢話距離爆炸地點有段距離，市面好平靜，佢又問過酒店職員，話暫時都安全，我就叫細佬睇吓可唔可以改動行程。」

彭于晏微博悼念

而台灣型男彭于晏早前在高雄為新片進行拍攝，他在微博表示：「天佑高雄，生者堅強，逝者安息。幾天前這些道路每一條都曾經穿梭，我非常難過，希望居民和我的親朋好友都平安。」

英皇電影《破風》導演林超賢對事件大感震驚及難過，因出事地方正是他們早前在高雄拍攝比賽場面之主要場地！而大隊之前在花蓮取景時，亦曾遇過颱風吹襲並有山泥傾瀉，令他們一度受困，但亦因交通阻塞，令花蓮旅客減少，讓他們可以有六天時間好好拍攝。