周麗淇首次情侶檔公開合照　徐正曦尷尬

藝人周麗淇（Niki）及男友徐正曦同場現身觀塘apm，宣傳劇集《衛子夫》。期間二人表現尷尬，令林峯被迫當「電燈膽」隔開他們，而當司儀在播出Niki與任賢齊合唱的插曲《我的愛有你才完美》後，問Niki是否有完美愛情？她聞言即掩嘴甜笑，而徐正曦則偷笑。

林峯、周麗淇及徐正曦三人大合照時，林峯說：「女仔應該企中間！」拍畢合照後隨即閃人，令事先聲明拒合照的周麗淇及徐正曦，在林峯的「成全」下終於合照。

孖男友同場好尷尬

以紅裙出場Niki自爆與男友同場好尷尬：「今日為咗宣傳套劇，唔想（戀情）變焦點。（事先講明唔合照？）冇諗，以套劇出發。（避忌？）唔想刻意。」問到其公司不想她高調晒愛？她強調從未高調拍拖：「冇，但我哋好低調，從來冇高調過！」談到她於月底生日，男友有何表示？她說：「唔知！（驚收戒指？）唔好搞呢啲嘢，總之低調進行。」

爆林峯好麻煩

問到有指與林峯爭唱劇集主題曲？Niki自爆認輸：「爭輸咗，好彩有任賢齊呵番我，同我合唱插曲。（同男友合唱？）佢都唔係歌手，做返本份先。（同林峯不和？）冇得同佢爭，下次要同佢合唱，一人一半！」她笑稱對方麻煩：「佢係都要霸一首！」

因合作發展愛情

至於徐正曦稱首次與女友齊齊出活動感緊張：「開心能一起出活動，但蠻尷尬同緊張，不過合照後就放下心頭大石，冇想像中可怕。多謝梅小青，因為這套戲令我們在一起。」問他會否介意情侶檔現身？他稱感覺不錯：「要看檔期，還不錯。（劇中少感情戲？）蠻可惜，少對手戲。（點拍拖？）拍完後才發生！（拍拖一周年？）可以這樣理解。」

或在上海開派對

他大爆正為下月生日的Niki安排驚喜派對：「安排中！（香港慶祝？）可能在上海！（驚喜？）在心中！（你是個浪漫男生？）浪漫是男生必須做的。（求婚？）未到時候。」