佘詩曼瞓身宣傳新劇　角色夠發揮要爆人樽

藝人佘詩曼現身九龍城，為劇集《使徒行者》拍攝宣傳片，她說：「每個主要演員都會拍宣傳片，個劇就已經拍晒，我差唔多兩年冇拍TVB劇，呢個新劇我都想出席晒所有宣傳，（推工作都要出席？）嚟緊都係去英國拍《衝上雲霄》電影版，留一個月左右，冇接到內地劇，（賺少好多？）冇關係啦，我重視質素多啲。」

阿佘又指《使徒行者》中角色充滿發揮空間，她說：「我演臥底，會混入社團，都粗魯㗎，貪錢但又孝順，有啲古靈精怪，仲要爆人樽，唔係真樽，道具啫。」阿佘被問到同劇對手林峯離開無綫，有指無綫鬧小生荒，她表示不同意，她說：「唔係吖，都有陳豪、黎耀祥、馬國明、郭晉安。」