李詩韻做媒人介紹女仔畀馬國明識

正在蜜運中的藝人李詩韻現身新劇《樓奴》試造型，雖然名花有主，但不諱言財政獨立，現時努力為其600呎安樂窩供款，笑指望日後有能力時換大單位，問到會否與男人夾份買樓？她謂：「冇咁打算，亦唔會同居，女仔自己做嘢搵錢先得到其他人尊重。」

談到其緋聞男友馬國明時，詩韻透露早前曾當媒人介紹女仔畀佢認識，更謂：「但兩個都怕醜，冇交換到電話，我問過我朋友，佢話馬國明都幾好，睇嚟我要安排多一次見面先得。」

叮囑男友望鏡頭要笑

問她戀情曝光後可有嚇怕男友？詩韻坦言雙方拍拖不久確實危險，寄望二人能順利度過，更指有叮囑男友若然遇上傳媒時，要保持笑容。