林峯約滿離巢　沈震軒讚係一件好事

藝人沈震軒於中環為新劇拍攝宣傳片，對於同劇拍擋林峯昨日出席活動時親證已離巢無綫，他表示有留意消息：「之前佢都有同我提起，話想作多方面嘗試。（怕唔怕之後宣傳要孭飛？）套劇其實都有好幾個主角，大家一齊宣傳。（多咗機會發展？）係一個循環，之前有羅家良同古天樂，再到林峯佢哋，一個接一個，係一件好事。」

提到最近有不少網民指無綫缺乏新演員，他為公司解畫：「最近自己拍緊嘅新劇《衝線》都起用咗好多新演員，自己作為觀眾，都想睇唔同嘅藝人。」他又透露為宣傳最新推出的跳舞單曲《親愛的》，將在香港多個名勝地點進行快閃活動。