鍾漢良滿肚密圈 計畫回歸香港

20140806
東網電視
更多新聞短片
鍾漢良為角色平反,稱角色真實感較強。
藝人鍾漢良西裝骨骨亮相九龍灣,出席有份主演的電影《閨密》首映禮。獲近百位粉絲到場支持的他對此直呼感動:「好耐冇返香港(多粉絲撐場?)難得同感動!」問他會否考慮以香港為工作重心?他說:「隨緣,已有好多計劃。兩年前我簽咗新開發部門,都想平衡返香港嘅工作,唔想一面倒。今次算係掹車邊拍電影,幕後係香港班底,算是起步。」
談到他於戲中飾演「劈腿男」,鍾漢良即為角色大平反:「角色好似好負面,但人無完美,好真實。(有共嗚?)係,做人冇話啱同錯。我嘅角色會認為人生唔應該只係得愛情,女仔就經常好多計劃想縛死對方。」他自爆唔鍾意畀女仔縛住晒:「冇人會鐘意畀人縛死,否則會浪費咗苦短人生,我唔想成世人得愛情,淨係諗結婚同傳宗接代。」