嫌殘廁男伴未夠成熟　林芊妤不乏追求者

林芊妤（coffee）以黑色短裙現身九龍灣電影《閨密》首映禮。自爆現時全職教授瑜伽的她，表示正接洽不少美容及健康食品代言工作，她亦有意開設瑜伽學校。問她是否獲「殘廁事件」男伴打本經營？她即自認單身：「依家冇男友，單身，同佢仲有聯絡，但我決定同佢靜吓，我需要更成熟嘅男仔（有人追？）係，有之前一路追而冇放棄到我嘅，不過我依家在社交網站都講咗要異性行埋一邊。」而早前於微博自爆收花的她又承認花束是由苦追她多年的男仔所送。