Cara G.讚囡囡有潛質做模特兒

混血女模Cara G.及丈夫Jesper出席首飾騷，兩人不時情深對望，表現得相當恩愛。接受訪問時，她表示囡囡India已五個多月大：「最近請咗個保姆照顧佢，分擔一吓，佢都好錫India，我哋都當咗佢係屋企嘅一份子。」

問到囡囡India可有天份做模特兒，她表示有潛質：「從生活中可以見到，佢係一個好活潑嘅小女孩，又不時擺出唔同嘅動作同表情，又成日叫。（考慮再生小朋友？）都會，但想等囡囡三歲之後先。（會唔會留等啲手飾畀囡囡？）其實我祖母都有留定啲手飾畀我做嫁妝，但我十幾歳就整唔見咗，所以等到囡囡十八歲先送畀佢。」